DUNGU:

Kimfinge ta chem nütram tañi mülen Wekimün mew!.

Richard Villegas, rume faliltufi tüfachi küdaw ti Fundación OTEC Wekimün Chilkatuwe yempüramnielu ka femuechi mangelkunuy tañi epuñpüle kelluwküleleal tüfachi küdaw mew.

..........

Kiñe rume küme ayiwün dungu mew afmatupay tañi küme yeniengen ti chilkatun küdaw tüfachi Organismo Técnico de Capacitación (OTEC) pingelu, iney tañi feypin fey may ta ñidol konkülelu ti Servicio Nacional de Capacitación ka Empleo (SENCE) Richard Villegas pingelu, rulpakunulu kiñe trawün mew yempüramngelu ti Chilkatuwe ruka mew Natri Bajo pingechi mapu mew, Chonchi komuna mew konkülelu.

Tüfachi ñidol wentru OTEC mew küdawkülelu, feypipay tüfa may ta dew epu rupa taiñ miyawpan tüfachi Chilkatuwe ruka mew ünelu mo kimpafiyiñ chumuechi tañi küdawküleken ka tunten trokintu kimeltuwe tañi nien tüfachi Chilkatuwe ruka fewla may kiñe we güy nietualu Fundación OTEC Wekimün Chilkatuwe pingetualu.

“Dewma epu rume küdaw mew amuleiñ. Ünelu mo re kimpafiyiñ chumuechi tañi küdawkülekefel tüfachi Fundación, kom fillke trokintu kimetuwe ruka ka femuechi re mapu mew mülelu (trokiñ kimeltuwe) ka femuechi taiñ kimpafiel ti fillke püroyekto küdaw”, adkunuy.

Villegas, fülkunuy ta “tüfachi epu rume küdaw fey may ta doy küme amulkunungeal fillke tekniko kimeltun dungu chew ta doyümngeay ñi yempüramngeal ti fillke kurso chumuechi tamün yempüramniel ti fillke kimeltun dungu, fewla may pichi adkunutuaymün tamün küdaw inchiñ mo taiñ chumuechi küdawküleken dewma may kiñewün reke taiñ küdawküleal femuechi may tüfachi fundasion doy faliltungeay kiñe fundasion ta Registro Especial ngetualu, femuechi may ka antü ngillakayafiyiñ ti fillke kurso”.

Tüfachi ñidol wentru SENCE mew küdawkülelu, afmatukunuy ti küme adyeniengen ti fillke cursos tüfachi Fundación OTEC Wekimün Chilkatuwe pingelu, chem may tañi doy faliltuniefiel kisu tañi pu che Chilwe mapu mew mongelelu ka femuechi tañi faliltuniefiel ñi Williche kimün engün.

director Sence“Taiñ region mew inche petu kimlafuiñ. Doy püllelechi region mew Los Ríos, Aysén region mew ka Araucanía region mew kimlafin tañi adümngeken femuechi pu kurso, femuechi may küme leliniengen mo tüfa ta rume kaletuletuy. Fey mo llemay ta rume ayiwmaleiñ tüfachi küdaw ta rume ayiwmafali. Rume küme dungu tañi yempüramniengen, kiñe trokiñtu kümeke adümchefe mew, ka femuechi kelluntuley pu kasike, feymew ta rume faliltufin tüfchi küdaw afkentu küdawimün rumeñma yafütuwimün, fentren küdaw yeniey, fentren nütramkawimün ka femuechi fentrentu trokiñtu küyen yeniey. Tüfachi püroyekto küdaw mew konküley ta pu machulla müley ñi yafütukunungeam tunten antü ngetuafuy rume, fey mo llemay ta rume faliltufali chumuechi tañi amulniengen tüfachi püroyekto”, adkunuy.

Ka inangechi, Richard Villegas, adkunuy tañi feypin “trokiwkülen taiñ nieal kiñe fentren che tañi kompayal, fillke küpanchi che ka femuechi waria mew mongelelu, nüwkülen mo may mapu mew ka femuechi faliltuniengen mo Williche kimün fey mo ta rume ayiwmafali”.

"Tüfachi registro especial mew, inchiñ ta upa küdawküleiñ faw, ngelay ta chem organismo no rume küdawkülelu tüfachi wapi mew. Tüfa mo may ta kelluaeiñ mo taiñ tukukunual kiñe oferta ka femuechi nülakunungeal chem trokiñ tripantu mew rume chew ta kake pürogürama nülalekelay, fey mo doy kümetuy inchiñ mew femuechi may doy alü puay taiñ oferta, femuechi may wallpa tripantu küdawküleaiñ fey mo ta rume ayiwküleiñ. Mangeluwküleiñ taiñ nieal fentren che ñi ina-afiel tüfachi pu kurso, welu chuchi chilkatupapelu niepe engün kümeke newen ka antü tripatule engün. Fey may ta ayiwmaniefiyiñ”, adkunuy.

Fantepu, Wekimün Chilkatuwe petu dewmanentuy ti fillke pürogürama rulpakunungelu tripantu mew Epu rume kewün Epuñpüle Kimeltuwün ka Desarrollo Sustentable (EIBDS) ka Epuñpüle Küme Mongen Dungu ka Desarrollo Sustentable (SIDS), ka femuechi petu pepilkakunuy amulkunual tüfachi tripantu mew fillke kimeltun dungu SENCE mew adkonkülealu tüfa ta epuñpüle kimeltuwün ka epuñpüle küme mongen ka Wall mapu ñi küme mongen.

 

Ñidol wentru SENCE Los Lagos: “Rüf küme lelingen mo tüfa ta kaletuy”

Escrito por Comunicaciones Wekimün

Wekimün Chilkatuwe

müley Twitter mew!


Inamuyiñ

Facebook mew


“Wekimün Chilkatuwe ruka ta küme amulniele ti kimeltun dungu ka antü ta doyeltungeay ta ñamnagnuam williche machulla”.