DUNGU:

Kimfinge ta chem nütram tañi mülen Wekimün mew!.

Pu adümchefe Universidad ta Principe Eduardo wapi ka ti Universidad Laurentiana Canada mapu mew mülelu niewma engün fillke küdaw trawün Chilwe küdawkülelu ka IX Congreso de Antropologia yempüramngelu Castro waria mew.

..........

Tañi yempüramngeal fillke trawün küdaw kakewmechi itro fill küdawpeyemche ka ñi kimngeal tunte ñi küme amulen ti püroyekto Wekimün, ti inatufe dungu ka inaünen che püroyekto Wekimün Kate Tilleczek ka ti Dr. Ron Srigley ti Universidad Laurentiana de Canada, witranmafingün Chilwe mapu ta 4 ka 14 konkülechi enero küyen.

Ti pu Canada che adümchefe trawüwingün Santiago waria mew chuchi ta genkonkülelu Embajada de Canada Chile mapu mew, feychi trawün mew kimngey chumuechi tañi küme amulniengen ti püroyekto Wekimün Chilkatuwe mew.

Chilwe mapu mew, ti Dra. Tilleczek ka ti Dr. Srigley, trawüwingün kom ti pu Adümchefe engün Chile Wekimün mew küdawkelu fey may tañi küme adkunungeal ti püroyekto ka femuechi chumkunungeal ka küpalechi chilkatun küdaw OTEC Wekimün Chilkatuwe, ka mülewma engün IX Congreso Chileno de Antropologia chew ta epuñpüle nütramkafingün ñi faliltungeal ti we chumechi ñi yempüramngeken amulniengelu Wekimün Chikatuwe mew.

"“Taiñ mülepan mew tüfachi Congreso Antropologico Chileno mew rume kümey taiñ pewküleal ka taiñ küme nütramkayal ti fillke metodologías taiñ yempüramniefiel taiñ Escuela Wekimün mew”, feypikunuy ti Dra. Tilleczek tüfachi trawün mew.

Ka femuechi ti direktora adkunulu ti Young Lives (Wekeche ñi mongen) Canada mapu mew, dewma niey antü tañi wiñotual Marzo küyen mew tüfachi tripantu, tañi mülepanmo pi “rume ayiwkülen tañi mangelngen tüfachi Wekimün Chilkatuwe mew ka femuechi may pepafin tunte ñi küme yeniengen ti itro fill küdaw, ka mapu lenmo may re trawün mew ka foto mew müten pekefiyiñ, doy kümetuy may kisu tañi kuralnge mew pengenmo. Ti mapu, itro fill küdaw, pu rayentu, ka tañi yempüramniengen kiñe küme newen el ad kimeltun ka femuechi ti trokiñ che feymo rume ayifali”.

Ka femuechi, Manuel Muñoz Millalonko, direktor akademico ta Wekimün Chilkatuwe, taiñ peniepaelmo ti pu Adümchefe Canada mapu mew mülelu “rume faliltufali, fantepu may taiñ amulniefiel ti itro fill küdaw pengelkunufiyiñ tunte tañi amulen femuechi ñi rupalen ti tripantu fillke kimeltun dungu mew”.

Ti antropologo, ka feypi ti witran Dra. Tilleczek “yafütukunueiñmo taiñ trokiñ Adümchefe ngen, femuechi Chilwe mapu mew, ka femuechi Canada mapu mew ka, femuechi, müley tañi komütungeal fillke küdaw yempüramniengelu ti pu Machulla mew. Ka femuechi, Ron (Srigey), rupalechi tripantu mew, rume faliltufali tañi küdaw tüfachi püroyekto mew, fillke küdaw mew, ka femuechi küme rakiduamngen mew ti el ad kimelltun mew, feymo may mülepan mew epuñpüle wiño peketufiyiñ, rakiduamtukeiñ tunte taiñ trekakunuwün ka taiñ trürümniefiel fillke we dungu newentunieafiel Wekimün ñi fillke küdaw fewla ka küpalechi antü mew”, pikunuy.

Escrito por Comunicaciones Wekimün

Wekimün Chilkatuwe

müley Twitter mew!


Inamuyiñ

Facebook mew


“Wekimün Chilkatuwe ruka ta küme amulniele ti kimeltun dungu ka antü ta doyeltungeay ta ñamnagnuam williche machulla”.