DUNGU:

Kimfinge ta chem nütram tañi mülen Wekimün mew!.

Tüfachi Püroyekto ta Epuñpüle Kimeltuwün yempüramnielu ti Konsejatu Chafün Williche Chilwe pengelkunuy fillke ad mew ti Wentru ka domo epuñpüle ñi faliltuwün, ka femuechi ñi nieam küme chilkatun ka küme mongen dungu pu Williche Chilwe mapu mew.

..........

Kiñe füta küme nütram mew adkunungey ti epuñpüle nütramkawün dungu mew, tañi pepi küme Chilkatuafel ka tañi küme mongen nieafel ti Chilwe mapu mew, we ula niewma pu adümchefe Wekimün mew küdawkelu, tüfachi IX Congreso Chileno de Antropologia yempüramngelu Castro waria mew.

Tüfachi trawün, yempüramngey 9 ka 14 konchi enero küyen ta 2017 mew, trawüli fillke kimngechi dungu konkülelu pewuntu rakiduam dungu mew ka chumuechi ñi küme yeniengeken ti antropologia kimün mew, leliniengen mew latinoamerikano dungu mew, ka chumuechi küdawniengen mew müleyechi machulla mew fill antü wengentu dungu mülekelu.

Tunte tañi mülewma tüfachi trawün chuchi ta unelelu fey may ta ti direktor akademico ta Wekimün Chilkatuwe, Manuel Muñoz Millalonko, pengelkunuy ti simposio N33 pingelu “Epuñpüle nütramkawün ka nien ta kimeltungeal, nien ta küme mongenngeal ka nien ti mapunieal Chilwe mapu mew”, tukukunulu fillke nütram “Ti epuñpüle dungu ñi küdaw femuechi tañi rüf yempüramngeal ti yamuwün che mew ka ti chilkatun dungu mew”, fey may ta ti abogada Ana María Olivera; “Konküleam chilkatun dungu mew epuñpüle yamuwun dungu mew wentru ka domo tüfachi Konsejatu Chafün Williche Chilwe”, ti antropologa Soledad Naranjo; “Epuñpüle Kimeltuwün kiñe rüpü chew ta kuñiwtukuniengeal ka yafütunengeal ti patrimonio biokultural Williche”, ta ingeniero forestal Pablo Aránguiz, ka “Epuñ püle küme mongen: pengeltufe chengeam küme mongen dungu mew”, ti antropologo Manuel Muñoz Millalonko.

Ka femuechi, tüfachi simposio mew, ti colíder del proyecto Dra. Kate Tilleczek, el Dr. Ron Srigley, ka ti Adümchefe Williche kewün Wekimün mew küdawkelu, Cristian Sandoval, pengelkunuyngün fillke nütram “Wekimün ñi yempuramngeken dungu: adümngeafel ti interculturalidad wallpatu dungu mew” ka “¿Wekeche antropologo? Epuñpüle Kimeltuwün pu wekeche mew”.

Manuel Muñoz, falitufi ti trawün ka feypikunuy tüfachi trokintu adümchefe, kiñewün küdawkülen mew mishawfiyiñ reke fillke kimün dungu Wekimün mew femuechi leliningen mew chumlerpuel taiñ fillke mongen tüfachi Chile mew ka ti Chilwe mapu mew, chew ta ka mülewma ti pu Adümchefe U. de Valparaiso, U. Urbaniana ka pu inatufe (CEPAL), kimniefilu tañi chumlen fantepu ti fillke küpangechi kutranche dungu ti pu mapuche williche küpan ngelu”.

Muñoz Millalonko, trürkunuy, “chumlen wallpalechi mongen mew, kimkunungey ti fillke kimün Wekimün mew, unelu mew tañi yempüramnien tüfachi dungu, küme adkununiey fillke dungu konkülelu chilkatun dungu mew ka küme trürümngeafel doy küme mongen mew tañi nieafel pu williche küpangelu fillke ad mongen mew”.

Ka inangechi, ti Adümchfe feypi “Wekimün ngen mo kiñe faliltufal dungu ka femuechi may faliltungey ti Williche kimün, fey mew may ta küme nüwküley tüfachi kimeltun dungu, ka femuechi adkununiengey küme rakiduam mew chumuechi ñi doy küme amulniengeal fantepu ti winka kimün mew, rüfdugun mew, yafüluwayiñ may kümeke newen mew taiñ küme yempüramnieal kom taiñ chilkatun dungu chuchi ta küdawkülelu tüfachi chilkatun dungu mew”.

Tüfachi fillke nütramkawun dungu mew pengelkunulu Wekimün, ka mülewma kiñeke kelluntukulu tüfachi püroyekto mew, tüfa may pengelkunulu fillke nütram ti antropóloga Malva-Marina Pedrero (Epuñpüle küme mongen ñi politika dungu Chile mapu mew: ¿ Kiñe ad dungu tañi küme yeniengeafel itro fill yam dungu ta ti pu Williche küpan ngen mo?” ti antropologo italiano, Dr. Luca Pandolfi (“Midawünkechi subjetividad: kelluwün dungu ta antropologia Chilwe mapu mew”), ka ti Lawetuchefe Aníbal Vivaceta de la Fuente (“Wiñokimüwtun ka nütramkawtun ti Estado wengeltungel mew itro fill we dungu”).

 

Escrito por Comunicaciones Wekimün

Wekimün Chilkatuwe

müley Twitter mew!


Inamuyiñ

Facebook mew


“Wekimün Chilkatuwe ruka ta küme amulniele ti kimeltun dungu ka antü ta doyeltungeay ta ñamnagnuam williche machulla”.