Taiñ pu trür:

Wingka kimün ka Williche kimün kiñewün wichawküley.


Pu williche ta mongelekeygün ti Chilwe archipielago mew, Chile ñi willi mapu püle. Chew tañi trawüpeyem egün Konsejatu Chafün Williche Chilwe ka femuechi tañi ünen Longko, Segundo José Armando Llayturew Mankemija pingey.

Konsejatu Chafün Williche Chilwe kiñewün ta UPEI engu, fentren tripantu rupay ta epuñpüle ta adkünual tüfachi püroyekto Wekimün Chilkatuwe pingelu.

Tüfachi püroyekto llow kullinkey Exteriores, Comercio y Desarrollo de Canadá (DFATD) mew, femuechi may epuñpüle konküley ta Canadá mapu küpachi pu adümchefe ka Chilwe wapi mülechi pu adümchefe, ka inangechi fillke adümchfe kiñewün küdawkeyngün Chile mapu mew.

Femuechi may ti Konsejatu Chafün Williche Chilwe pukintuniey Wekimün chilkatuwe mew kiñe küme yenierpual ta doy küme mongen ta pu williche wekeche ka tañi pu machulla mew. Chew ta kimeltuniengeal kuyfike küme kimün ta pu williche yenielu.

Tüfachi püroyekto küdawniengey doy ka mapu mülechi Chilwe archipielago mew, Alao wapi ka Apiao wapi konküley ta Kinchao komuna mew, Kailin wapi ka Koldita mapu chew ta ka müley Chaywao mapu, Liw Kura mapu, Tweo mapu, Punta Paula mapu, Inkopülli mapu, Yaldad mapu, Trinkao mapu ka Kokawke, kom tüfachi mapu konküley Kellon komuna mew.

             

 

KA WE

DUNGU

Doy entufinge Konsejatu Chafün Williche Chilwe ñi dungu ka lelifinge ti püroyekto ñi página web ta Canadá mapu mew.

“Wekimün Chilkatuwe ruka ta küme amulniele ti kimeltun dungu ka antü ta doyeltungeay ta ñamnagnuam williche machulla”.