Wekimün:

"Kiñe chilkatuwe ruka ta pu williche wekeche pu machulla mew mülelu".

Wekimün chilkatuwe ta kiñe küdaw nielu ta küme yenierpual ta doy küme mongen ta pu williche wekeche, tañi pu reñma, ka tañi pu machulla mew. Tüfachi küme mongen ditungeay epuñpüle trapümngele ti wingka kimün ka ti williche kimün, adümkantungele ta construcción de conocimientos ka aprendizaje por proyectos pingelu.

Wekimün tüfachi küdaw ta tripay Konsejatu Chafün Williche Chilwe ka Universidad Príncipe Eduardo de Canadá mapu mew mülelu (UPEI pingey inglés kewün mew), fey konkülelu epuñpüle trapümngelu tüfachi kimeltun dungu ka williche machulla ñi küme mongen dungu, newentunieal williche ñi kishu ñi tuwün mew, ka tañi doy küme mongen yenierpual ta pu williche kishu ñi mapu mew.

Tüfachi pu adümchefe Chilwe wapi mew mülelu konküley fillke especialista kimnielu tañi williche kimün, williche kewün, williche ñi mapu, williche ñi küdaw, derechos humanos, tüngpiwkelen kimeltun dungu ka williche ñi küme mongen dungu. Chuchi ta kiñewün küdawkülelu Canadá pu adümchefe engu, Dra. Kate Tillezcek pingey, üne yempüramnielu tüfachi küdaw dungu.

Chumuechi tañi kimeltungeken: Wekimün konküley ta williche ñi mapu mew. Tüfachi kimeltun dungu epu trokiñ küdaw niey: kiñe trokiñ Wekimün chilkatuwe ruka mew küdawngekey, chew ta pu chilkatufe laboratorio mew ka sala de sitio mew longkontukukeyngün. Kangelu trokiñ pu chilkatufe ñi machulla mew küdawngekey, fey mew ta pu adümchefe amukeyngün pu chilkatufe ñi mapu mew.

Tüfa mew entufinge tüfachi küdaw dungu.

Wekimün püroyekto ñi trokiñ mapu: Alao wapi (Kinchao komuna müley), Apiao wapi (Kinchao komuna müley), Kailin wapi (Kellon komuna müley), ka ti Koldita mapu (tüfaci mapu konküley Yaldad mapu, Inkopülli mapu, Trinkao mapu, Kokawke mapu, Koldita wapi, Liw Kura mapu, Tweo mapu, Chaywao mapu ka Inio mapu).

PÜROGÜRAMA

2016 TRIPANTU

Fillke dungu 

Tüfachi epu warangka mari kechu konchi tripantu mew, Wekimün chilkatuwe nülaniey epu pürogürama tüfachi tripantu, chuchi ta ditungeal ta küme mongelerpual ta che, tüfachi pu che amulnierpuay ta Küme mongen dungu ka kimeltun dungu.Tüfachi epu pürogürama Salud Intercultural y Desarrollo Sustentable pingey, kangelu pürogürama Educación Intercultural Bilingüe y Desarrollo Sustentable pingey.

Tüfachi pu pürogürama mew doy inakonay kake pürogürama, Wekimün chilkatuwe ta doy yafükonle ka inakonle ta institucionalidad educativa del Estado de Chile pingelu.

 

“Wekimün Chilkatuwe ruka ta küme amulniele ti kimeltun dungu ka antü ta doyeltungeay ta ñamnagnuam williche machulla”.