CHILKATUWE RUKA:

Inakintuniel ta científico kimün ka ti williche kimün.

Wekimün Chillkatuwe Wekimün Chillkatuwe ruka llegpay tüfachi mapu mew, chew ta kimeltungekey wingka mew küpachi kimün ka williche kisu tañi kimün, faliltuniengen mew chumuechi ta pu williche adkununiey kom tañi pu kimün dungu.

Pu chillkatufe, mari pura ka meli mari meli tripantu nielu,adümwukeygün metodología de aprendizaje de proyectos pingelu, femuechi may kisutu reke kimkimtukeyngün. Tañi chumuechi ñi amuleken ñi kimeltun dungu, kiñe trokiñ antü mülenagkeyngün chillkatuwe ruka mew, ka femuechi adeltukeyngün chem küdaw tañi dulliel engün müleputun mew tañi machulla mew; Femuechi may pu adümchefe ka femuechi küdawkeyngün: Pu adümchefe ta kompañnieafingün tuntepu tañi mülenagpaken ta Wekimün Chillkatuwe ruka mew. Ka femuechi tañi mapu mew engün, chew tañi tuwün ta pu chilkatufe.

Wekimün Chilkatuwe, kiñewün ta küme yempüramniengün ti curriculum ta doy küme yenierpual pu chillkatufe, ka femuechi longkontukuniengey ti investigaciones aplicadas pingechi dungu, tañi doy küme elkunungeal ti patrimonio natural ka cultural pingelu, kisuke ñi machulla mew.

CHEW TAIÑ

MÜLEN

Chafün Williche 

TAIÑ TRAWÜWPEYEM

Nieiñ kiñe füta kütralwe trawüpeyem ka küdawpeyem.

 

Nieiñ kiñe laboratorio adümngepeyem williche kewün

NIEIÑ ITRO FILL EKIPAMIENTO

12 komputador weluke trapümüwkülelu, micrófonos, audífonos ka pantalla táctil.

 

Nieiñ kiñe laboratorio dewmangepeyem lawen

DEWMANGEPEYEM MAPU LAWEN

Nieiñ itro fill chemkün dewmangepeyem lawen, maserangepeyem ka chew ta tukungepeyem ti itro fill lawen.

 

Kimngepeyem itro fill küdaw

KIMKIMTUPEYEM MAPU MEW

Küme mongen rüpü, eñum tukukawe ka fillke tukukwe chew ta pu chilkatufe adümkeyngün itro fill küdaw.

 

AYIWÜN MEW

TI KIMKIMTUN DUNGU

Mapu Kimeltun 

Wekimün Chilkatuwe niey fentren kimün chumuechi tañi mongeleken pu williche tañi kishu ñi mapu mew ka femuechi rume küme yempüramniekeyngün itro fill trokiñ mapu ka Wekimün ñi itro fill kimkimtupeyem pu chilkatufe.

Wekimün ñi itrofill kimkimtupeyem ka pu chilkatufe ñi mapu epe kom femngeyngün, fey mew may chew ta kimkimtupeyem epe feletuy chilkatufe ñi mapu reke.

 

CHUMUELU

TAIÑ FAW ÑI MÜLEN

Ditupual dungu 

Pu trokiñ Wekimün Chilkatuwe, küme adentun-niengey tañi küme yempüramngeal ti kimkikmtun dungu ABP pingelu.

Kom pu adümchefe tüfachi ABP mew konkülelu, küme adkununiengey ti pu trokiñ mapu, tïufachi trokiñmapu fill antü kiñewün küdawniengekey, fey mew may wünelu mew yempüramngekey williche kimün.

“Wekimün Chilkatuwe ruka ta küme amulniele ti kimeltun dungu ka antü ta doyeltungeay ta ñamnagnuam williche machulla”.